MUCLEAR
ជំរុញការបញ្ចេញស្លេស្ម និងសម្រួលដល់ការដកដង្ហើម
MUCLEAR
ជំរុញការបញ្ចេញស្លេស្ម និងសម្រួលដល់ការដកដង្ហើម
ឱសថនេះជួយបំបែក និងបំបាត់ស្លេស (សំបោរ) (សកម្មភាពបំបែកស្លេស្ម) ដោយជួយក្នុងការបញ្ចេញចោលតាមរយៈការក្អក។ ដំណើរការនេះជួយសម្អាតផ្លូវដង្ហើម ធ្វើឲ្យការដកដង្ហើមកាន់តែងាយស្រួល។
មាននៅក្នុង
ប្រទេសមីយ៉ាន់ម៉ា, ថៃ, កម្ពុជា
ឱសថកម្ចាត់ស្លេស្មនេះមានសារធាតុអាសេទីលស៊ីស្តេអ៊ីន ដើម្បីជួយកម្ចាត់ស្លេស្ម
គេប្រើឱសថ MUCLEAR ជាការព្យាបាលបន្ថែមសម្រាប់ជំងឺផ្លូវដង្ហើមផ្សេងៗដែលមានទំនាក់ទំនងទៅនឹងការឡើងស្លេស្មច្រើនលើសលុប។ ជារឿយៗ អាការដូចជា រលាកបំពង់ក, រលាកសួត, ហើមសួត, រលាកបំពង់ខ្យល់ និងទងសួត, និងស្លេស្មឡើងខាប់ ជាដើមហេតុធ្វើឲ្យឡើងស្លេស្មច្រើនលើសលុប។
- ធ្វើឲ្យស្លេស្មរាវ
- ងាយស្រួលខាកស្ដោះស្លេស្មតាមរយៈក្អក
- មិនឲ្យពុលថ្លើមខ្លាំង ដោយការពិសារប៉ារ៉ាសេតាមុលច្រើន
អាការ/ពេលត្រូវប្រើ៖
- ការព្យាបាលបន្ថែមលើអ្នកជំងឺដែលមានស្លេស្មខាប់ខុសធម្មតាក្នុងស្ថានភាពដូចជា ជំងឺរលាកសួត, រលាកទងសួត, ហើមសួត, រលាកបំពង់ខ្យល់ និងទងសួត, ជំងឺហឺតរួមជាមួយនិងរលាកទងសួតរ៉ាំរ៉ៃ, ជំងឺរបេង, ហើមទងសួត និងដំណាក់កាលដំបូងនៃការដុះសាច់ក្នុងសួត)
- មិនឲ្យពុលថ្លើមខ្លាំង ដោយការពិសារប៉ារ៉ាសេតាមុលច្រើន
វិធីប្រើ
- គ្រាប់ថ្នាំរលាយក្នុងទឹក នីមួយៗមានអាសេទីលស៊ីស្តេអ៊ីន ៦០០ មីលីក្រាម។ អ្នកដែលមានអាយុចាប់ពី ១២ ឆ្នាំឡើងទៅត្រូវដាក់ថ្នាំមួយគ្រាប់ក្នុងទឹកកន្លះកែវឲ្យរលាយ ហើយពិសាក្រោយអាហារពេលល្ងាច មួយថ្ងៃម្តង។
គ្រាប់ថ្នាំរលាយក្នុងទឹក នីមួយៗមាន
- អាសេទីលស៊ីស្តេអ៊ីន ៦០០ មីលីក្រាម
សំណួរដែលគេសួរញឹកញាប់
ទទួលបានព័ត៌មានដែលអ្នកត្រូវការ
ទិន្នន័យសុវត្ថិភាពពាក់ព័ន្ធនឹងការប្រើប្រាស់ MUCLEAR អំឡុងពេលមានផ្ទៃពោះនៅមានកម្រិតនៅឡើយក្នុងលក្ខខណ្ឌនៃការសិក្សាលើមនុស្ស។ ដូច្នេះស្ត្រីមានផ្ទៃពោះគួរតែប្រើឱសថនេះតែក្នុងករណីដែលមានវេជ្ជបញ្ជាពីគ្រូពេទ្យតែប៉ុណ្ណោះ។
ការបញ្ចេញអាសេទីលស៊ីស្តេអ៊ីនពីទឹកដោះម្តាយនៅតែមិនទាន់ច្បាស់លាស់។ ដើម្បីធានាសុវត្ថិភាពទារកទើបនឹងកើត គួរតែចៀសវាងការប្រើឱសថនេះក្នុងពេលបំបៅដោះកូន លុះត្រាតែមានវេជ្ជបញ្ជាពីគ្រូពេទ្យ។
ឱសថ MUCLEAR ត្រូវតែរក្សាទុកនៅសីតុណ្ហភាពធម្មតាក្នុងបន្ទប់ ឆ្ងាយពីសំណើម និងពន្លឺព្រះអាទិត្យ។
ចៀសវាងផ្តល់ឱសថនេះដល់ទារក។ ចាំបាច់ត្រូវពិគ្រោះជាមួយគ្រូពេទ្យកុមារមុនពេលផ្តល់ថ្នាំណាមួយដល់ទារក ដោយសារសរីរាង្គរបស់ទារកងាយរងការខូចខាត និងមិនទាន់មានការអភិវឌ្ឍពេញលេញនៅឡើយ។
ប្រសិនបើលោកអ្នកពិសា MUCLEAR ច្រើនពេក អ្នកអាចមានរោគសញ្ញាដូចជា ចង្អោរ, ក្អួត, ឬរាក។ អ្នកចាំបាច់ត្រូវទាក់ទងគ្រូពេទ្យភ្លាមៗក្នុងករណីប្រើថ្នាំលលើសកម្រិត។
ប្រសិនបើលោកអ្នកភ្លេចពិសាឱសថ MUCLEAR មួយដូស សូមប្រាកដថាលោកអ្នកពិសាថ្នាំនេះឲ្យបានឆាប់តាមដែលអាចធ្វើទៅបាន។ ប៉ុន្តែប្រសិនបើជិតដល់ពេលពិសាថ្នាំដូសបន្ទាប់ គេណែនាំឲ្យអ្នកមិនចាំបាច់ពិសាដូសដែលភ្លេចនោះទេ ហើយបន្តពិសាដូសបន្ទាប់តាមកាលវិភាគធម្មតារបស់លោកអ្នក។ ប្រការសំខាន់ អ្នកមិនត្រូវប្រើឱសថលើសពីកម្រិតប្រើប្រាស់តាមវេជ្ជបញ្ជារបស់គ្រូពេទ្យទេ។
ចៀសវាងពិសាឱសថនេះក្នុងរវាងពីរម៉ោងបន្ទាប់ពីពិសាអង់ទីប៊ីយ៉ូទិចរួច។ ត្រូវប្រុងប្រយ័ត្ន ឬត្រូវចៀសវាងការប្រើប្រាស់ថ្នាំក្អក និងថ្នាំគ្រប់គ្រងសម្ពាធឈាម ក្នុងពេលកំពុងប្រើប្រាស់ថ្នាំដែលមានជាតិអាសេទីស៊ីស្ដេអ៊ីន។
ទេ, MUCLEAR មិនមែនជាប្រទភេទឱសថអង់ទីប៊ីយ៉ូទិចទេ។ ឱសថនេះស្ថិតក្នុងប្រភេទឱសថមូកូលីទិច ដែលជាឱសថបំបាត់ស្លេស្ម ដើម្បីសម្រួលដល់ការខាកស្លេស្មចេញពីសួត។
មានបញ្ហាណែនទ្រូង អាចមានន័យថាអ្នកមានស្លេស្មខាប់ ដែលធ្វើឲ្យឱ្យពិបាកដកដង្ហើម។ អ្នកអាចប្រើ MUCLEAR ដើម្បីបំបាត់ស្លេស ដែលបន្ទាប់មកងាយនឹងបញ្ចេញមកក្រៅ នាំឲ្យដកដង្ហើមបានស្រួល។ ប្រសិនបើអ្នកមិនធូរស្បើយបន្ទាប់ពីប្រើឱសថ MUCLEAR សូមពិគ្រោះជាមួយគ្រូពេទ្យរបស់អ្នកពីមូលហេតុផ្សេងទៀតដែលនាំឲ្យណែនទ្រូង។
រយៈពេលនៃការព្យាបាលជាមួយឱសថ MUCLEAR នឹងត្រូវកំណត់ដោយគ្រូពេទ្យ ដោយពិចារណាលើប្រភេទពីជំងឺដែលត្រូវប្រើឱសថនេះ។ ក្នុងករណីជាជំងឺផ្លូវដង្ហើម ការព្យាបាលដំណាក់កាលដំបូងអាមានរយៈពេល ៥ ថ្ងៃ ហើយអាចបន្តរហូតដល់ ២ សប្តាហ៍អាស្រ័យលើស្ថានភាពជំងឺរបស់លោកអ្នក។
សួរអ្នកជំនាញរបស់យើង
មិនអាចរកចម្លើយបានមែនដែរឬទេ?