AVARIN

គេប្រើ AVARIN ដើម្បីព្យាបាលរោគសញ្ញាជំងឺក្រពះពោះវៀន ដូចជា មិនស្រួលពោះ, ដំបៅក្រពះជាដើម។ រោគសញ្ញាទាំងនេះរួមមាន មិនស្រួលក្នុងពោះ, ណែនពោះ, ប៉ោងពោះ, ហើមពោះ, ឈឺពោះ ឬរមួលពោះ។

AVARIN មិនមានផ្ទុកអង់ទីប៊ីយ៉ូទិកទេ។ ឱសថនេះមានសមាសធាតុប្រឆាំងនឹងខ្យល់ក្នុងពោះហៅថា simethicone និងប្រឆាំងនឹងការកន្ត្រាក់សាច់ដុំហៅថា alverine citrate ។

បាទ/ចាស។ លោកអ្នកអាចប្រើ AVARIN ដើម្បីបំបាត់អាការប៉ោងពោះ និងញ៉ាំឆាប់ឆ្អែតនេះបាន ព្រោះវាមានសមាសធាតុម្យ៉ាងហៅថា simethicone ដែលកាត់បន្ថយការផលិតខ្យល់នៅក្នុងក្រពះ។ វាក៏ជួយក្នុងការបន្ធូរបន្ថយការបញ្ចេញខ្យល់លើសនៅក្នុងបំពង់រំលាយអាហារ ដោយការបំបែកខ្យល់ទាំងនោះ។

AVARIN ផលិតឡើងសម្រាប់តែមនុស្សពេញវ័យប៉ុណ្ណោះ។ សូមពិគ្រោះជាមួយគ្រូពេទ្យរបស់លោកអ្នកសម្រាប់ព័ត៌មានបន្ថែម។

AVARIN ជាធម្មតាមានសុវត្ថិភាព និងមិនបង្កឲ្យមានផលរំខានធ្ងន់ធ្ងរណាមួយឡើយ។ ផលរំខានតិចតួចដូចជាឈឺក្បាល, ចង្អោរ, ស្ងួតមាត់អាចកើតឡើងម្តងម្កាល និងជាបណ្តោះអាសន្នតែប៉ុណ្ណោះ ហើយអាចបញ្ឈប់បាននៅពេលឈប់ប្រើឱសថនេះ។

បាទ/ចាស។ លោកអ្នកអាចប្រើ AVARIN ដើម្បីបំបាត់ការឈឺចាប់ពេលមករដូវ ព្រោះសមាសធាតុ alverine citrate នៅក្នុង AVARIN ជួយបន្ថយការកន្ត្រាក់ដោយសម្រួលសាច់ដុំនៅផ្នែកខាងក្រោមពោះ ដែលជាតំបន់សំខាន់នៃការឈឺចាប់អំឡុងពេលមករដូវ។

គេមិនណែនាំឲ្យប្រើ AVARIN អំឡុងពេលមានផ្ទៃពោះ និងកំពុងបំបៅដោះកូនទេ។

លោកអ្នកគួរតែជៀសវាងការប្រើ AVARIN ប្រសិនបើលោកអ្នកមានប្រវត្តិប្រតិកម្មទៅនឹងសមាសធាតុណាមួយរបស់ AVARIN ដូចជា simethicone និង alverine citrate។ ក្នុងករណីបែបនេះ សូមពិគ្រោះជាមួយគ្រូពេទ្យរបស់លោកអ្នក មុនពេលប្រើឱសថនេះ។

គេមិនណែនាំឲ្យប្រើ AVARIN ក្នុងពេលកំពុងប្រើឱសថអង់ទីប៊ីយ៉ូទិកទេ ព្រោះសមាសធាតុនៅក្នុង AVARIN អាចរំខានដល់ការជ្រាបចូលនៃឱសថអង់ទីប៊ីយ៉ូទិកក្នុងរាងកាយរបស់លោកអ្នក។ សូមពិគ្រោះជាមួយគ្រូពេទ្យរបស់លោកអ្នកដើម្បីបង្ការបញ្ហានេះ។

លោកអ្នកអាចលេប AVARIN ដល់ទៅ ៣ គ្រាប់ក្នុងមួយថ្ងៃ ឬទៅតាមកម្រិតប្រើប្រាស់ដែលកំណត់ដោយគ្រូពេទ្យរបស់លោកអ្នក។