គោលបំណងរបស់ក្រុមហ៊ុន MEGA
ចាប់តាំងពីឆ្នាំ ១៩៨២ មក នៅក្រុមហ៊ុន MEGA យើងមានគោលបំណងលើកកម្ពស់សុខភាពរបស់លោកអ្នកជាមួយនឹងផលិតផលរបស់យើង។ ជាមួយនឹងការទទួលស្គាល់គុណភាពជាអន្តរជាតិ យើងប្តេជ្ញាចិត្តផ្តល់តែឱសថ និងអាហារបំប៉នដែលមានគុណភាពល្អបំផុតជូនអតិថិជនរបស់យើង។
យើងប្រកាន់ខ្ជាប់នូវការពិតចំពោះគ្រប់ទិដ្ឋភាពសំខាន់ៗ
ផលិតផលរបស់យើងបំពេញតាមស្តង់ដារ
យើងមិនធ្វើការអះអាងបំផ្លើសការពិតឡើយ
មានការវាស់វែងកម្រិតប្រើប្រាស់ត្រឹមត្រូវ
យើងមិនផ្តល់ការសន្យាមិនពិតឡើយ
បង្កើតឡើងក្នុងឆ្នាំ ១៩៨២ ក្រុមហ៊ុន MEGA Lifesciences ចូលរួមក្នុងការផលិត, ផ្សព្វផ្សាយ, លក់ និងចែកចាយឱសថរុក្ខជាតិ, ឱសថមិនចាំបាច់ត្រូវមានវេជ្ជបញ្ជា, និងឱសថមានវេជ្ជបញ្ជា ក៏ដូចជាអាហារបំប៉នសុខភាពនៅក្នុងប្រទេសកំពុងអភិវឌ្ឍ។
ក្រុមហ៊ុន MEGA Lifesciences ប្តេជ្ញាចិត្តផ្តល់នូវផលិតផល និងសេវាកម្មប្រកបដោយគុណភាពជូនអតិថិជន និងអ្នកប្រើប្រាស់តាមរយៈការបន្តកែលម្អ និងនវានុវត្តន៍ជានិច្ច។
រោងចក្រផលិតរបស់ពួកយើងដែលមានទីតាំងនៅប្រទេសថៃ, អូស្ត្រាលី និងឥណ្ឌូនេស៊ី បានទទួលការទទួលស្គាល់គុណភាពជាអន្តរជាតិពីអាជ្ញាធរសុខាភិបាលល្បីឈ្មោះជុំវិញពិភពលោកចំពោះការអនុវត្តផលិតកម្មដ៏ឆ្នើមរបស់យើង។
បច្ចុប្បន្នយើងមានការិយាល័យនៅតាមបណ្ដាប្រទេសចំនួន ១៨ ហើយយើងនាំចេញទៅកាន់អាស៊ីប៉ាស៊ីហ្វិក, មជ្ឈិមបូព៌ា, អាហ្វ្រិក, បណ្តាប្រទេស CIS, អាមេរិកឡាទីន និងអឺរ៉ុប។
សសរស្តម្ភទាំងបួននៃគុណតម្លៃរបស់ក្រុមហ៊ុន MEGA រួមមាន - ការគោរពចំពោះភាពខុសគ្នារបស់បុគ្គលម្នាក់ៗ, សេរីភាពក្នុងការងារ និងជីវិតផ្ទាល់ខ្លួន, ការជឿជាក់លើមនុស្សរបស់យើង, និងសេចក្ដីពិតប្រាកដលើអ្វីគ្រប់យ៉ាងដែលយើងធ្វើ។
សកម្មភាព និងការសម្រេចចិត្តរបស់យើងសុទ្ធតែមានតម្លាភាព។ រចនាសម្ព័ន្ធប្រាក់បៀវត្សរ៍ និងរង្វាន់របស់ក្រុមហ៊ុនមានតម្លាភាព និងស្របតាមស្តង់ដារវិស័យនេះ។ យើងមានរបបផ្ដល់ប្រាក់រង្វាន់លើកទឹកចិត្តដែលមានកំណត់ត្រាត្រឹមត្រូវសម្រាប់គ្រប់សមាជិកក្រុមហ៊ុន។
ក្រុមហ៊ុន MEGA ប្ដេជ្ញាចិត្តធ្វើយ៉ាងណាដើម្បីផ្តល់នូវសេវាកម្ម និងផលិតផលដែលមានគុណភាព តាមរយៈការកែលម្អឥតឈប់ឈរ និងនវានុវត្តន៍។